L'hostaria dal paradis

Che blèssa! In st'Hostaria

As magna un po de tut:

salam, copi e parsut

ch'jen una maravija.

 

Polenta, torta fritta,

a dj antipast tant fén

che dopa, a dj anolen

s'in magna na marmitta

 

Stracot con na bagnen'na

D'alcares i barbiz;

costa l'è na cuzen'na

ch'as cata in paradis.

Se mi fus un bezion,

an guard pu i fior 'd gazìa;

mo quand voj far classion

am fer'm in st'hostaria

 

e 'gh stagh finna a la sira

quand a ven scur al cel;

e intorna, pr'i stradel,

an gh'è che 'l vent ch'a gira.

 

A si' curios, al so,

ad saver indo' 's cata

st'hostaria un po mata ...

E un gior'n a val dirò.

 

Luigi Vicini